يا مسلم.. يا مسيحى
أنت يا مصرى
خاف على أرضك
هي دى عرضك
و اللي هترفع راسك فوق
يا مسلم.. يا مسيحى
أنت يا مصرى
عايز تعلى و تعلى و تعلى
و توصل كده لمراتب أعلى
و تسابق كل الحضارات
بطل فى مظاهرات فئويه
و كفايه مصالح شخصيه
أمنا مصر عليها اقساط
يا مسلم.. يا مسيحى
أنت يا مصرى
لازم نبقى يا ناس أيد واحده
و نبطل نمسك على الواحده
المسلمين ويا الأقباط
بالفتنه مش هتهدونا
و علي راسنا شيخنا و أبونا
أصل المصريين أخوات
يا جرجس خليها على الله
و تعالى و معاك عبدالله
م النجمه عندنا مشوار
هنلم الناس و الرجاله
و هنعمل شوف كام سقاله
محتاجه نعلق أنوار
و اشتغلى بهمه يا حكومه
و هاتى لنا حقوقنا المهضومه
و اللي هيسترنا الستار
من العذبه للميه المالحه
نتقابل بنفوس متصالحه
و نطفى جوانا النار
يا مسلم.. يا مسيحى
أنت يا مصرى
خاف على أرضك
هي دى عرضك
و اللي هترفع راسك فوق
ــــــــــــ يامصرى ـــــــــ حمادة هلال ـــــــــــ
ليست هناك تعليقات:
إرسال تعليق